Recepti za mame koje ne vole da kuvaju, nemaju vremena za to ili ne znaju kako

PIŠE: Dora, Happy Chez Moi

Ne morate biti Najdžela Loson niti food blogerka da biste skuvali sebi i svojoj porodici pristojan obrok. Evo nekoliko recepta koje možete probati, ma koliko neiskusne bile u kuhinji. Recepte sam isprobala  jedno hiljadu puta,  naročito onda kada me mrzi da se posebno angažujem u kuhinji. To se inače dešava vrlo često. Recepti su prilično laki, savršeni za ručak ili brzinsku večeru. Na primjer, recept “tortilje sa mljevenim mesom i kačkavaljem” ne samo da djeca obožavaju, nego je odličan i za onda kada imate goste.

jajasparadjzomJaja sa paradajzom i paprikom
(za dve osobe)

Potrebno:
– 2 kašike biljnog ulja;
– 1 paradajz, oljušten i isjeckan na kockice;
– 1 mladi sjeckani luk;
– 1 manja sjeckana zelena paprika;
– 4 jaja;
– so, biber po želji;
– malo sira po želji.

Postupak: U većem tiganju zagrijejte ulje. Propržite mladi luk, dodajte papriku i paradajz. Pržite minut dva. U posebnoj činiji viljuškom ovlaš umutite jaja i posolite ih. Drvenom kašikom miješajte jaja minut- dva dok ne budu gotova. Dodajte sir, promiješajte. To je to.

makaroneMakarone sa sirom
(za 4 osobe)

Potrebno:
– 250 grama makarona po želji;
– 250 grama rendanog tvrđeg i slanijeg kačkavalja;
– 250 ml slatke, tečne pavlake za kuvanje;
– 2 jaja umućena viljuškom;
– prstohvat muškatnog oraščića;
– so i biber.

Postupak: Zagrijte rernu na 220 stepeni C. Skuvajte makarone prateći uputstva na pakovanju (puno vode u šerpi, kada voda krene da vri, dodajte so, ubacite makarone i kuvajte ih onoliko koliko je označeno vrijeme na pakovanju.) Ocijedite makarone i vratite ih u šerpu.
U posebnoj posudi pomiješajte pavlaku, sir, jaja, muškatni oraščić, so i biber. Pomešajte ovu smjesu sa makaronama. Sipajte sve to u pleh (najbolje je da bude što veći i plitak), rasporedite smjesu i pecite oko 10-15 minuta u vreloj rerni.

Tortilje sa mljevenim mesom i kačkavaljem
(za 4 osobe i 4 velike tortilje)

Potrebno:
– 450 grama mljevenog mesa (može juneće ili mješavina junećeg i svinjskog);
– 1 crni luk sitno sjeckan;
– maslinovo ulje (oko 60ml);
– 150 grama rendanog polutvrdog kačkavalja;
– paradajz sjeckan na kockice;
– paprika sjeckana na kockice;
– zelena salata oprana, osušena i isjeckana;
– 4 velike tortilje;
– krema od balsamico sirćeta;
– kašičica začina za tacco (ako nemate, onda koristite pola kašičice mljevenog cimeta, pola kašičice mljevenog kima i malo čilija u prahu, ako volite ljuto).

Postupak: Zagrijte ulje, popržite luk dok ne postane svjetlucav i providan. Dodajte mljeveno meso i pržite oko 5 do deset minuta dok ne dobije braon boju. Dodajte so i začine. Sklonite sa vatre i stavite meso u cjediljku da se iscijedi višak tečnosti. Meso mora da se ohladi. Na 4 tortilje rasporedite mljeveno meso, preko njega stavite malo sjeckanog paradajza, zelenu salatu, papriku i rendani kačkavalj. Stavite u pleh i zapecite u rerni na grilu ili na 220 stepeni C svega 3 minuta. Prelijte sa malo kreme od balsamico sirćeta.

totreliniLaka tortelini supa
(za 4 osobe)

Potrebno:
– 4 šolje vode + pileće kocke (pogledati uputstvo na pakovanju, čini mi se da na jednu šolju ide jedna kockica, ali nisam sigurna);
– 250 grama tortelini tjestenina sa sirom;
– 2 kašike sjeckanog svježeg peršina;
– biber;
– slani krekeri.

Postupak: U šerpu sipati vodu, kada provri staviti pileće kocke, miješati dok se ne rastvore u vodi. Dodajte tortelini i kuvajte ih oko 7 minuta. Dodajte sjeckani peršun i biber. Sipati u činije i poslužiti sa slanim krekerima.

piretinaKuvana piletina sa povrćem
(za 4 osobe)

Potrebno:
– 1 cijelo pile sječeno na komade (potražite od mesara);
– 6 šolje vode;
– 2 kašike maslinovog ulja;
– 1 luk, oljušten i isječen na četvrtine;
– 4 manje šargarepe, oljuštene i siječene na komade veličine od 5 cm;
– 8 malih mladih krompita ili dva srednja sječena na četvrtine;
– 4 praziluka (samo bijeli i svijetlo zeleni dio), oprani i sječeni na komade veličine od 5 cm;
– 1 list lovora;
– so i biber;
– peršun.

Postupak: Stavite vodu u veliku šerpu, dodajte piletinu i 2 kašike maslinovog ulja. Od trenutka kada krene da vri voda, kuvajte meso oko 20 minuta. Dodajte luk, šargarepu, krompir, praziluk, kašičicu soli, lovorov list, djelimično poklopite šerpu i kuvajte oko 30 minuta. Dodatno začinite tj. dodajte so i biber po želji. Ravnomjerno rasporedite meso i povrće u 4 tanjira, pospite jelo sjeckanim, svežim peršunom i poslužite.

salataTopla krompir salata sa slaninom
(za 4 osobe)

Potrebno:
– 1 kg mladog oljuštenog krompira;
– 4 mlada luka sitno sjeckana;
– 1 kašika maslinovog ulja;
– 8 tankih režnjeva slanine;
– 1 kašika senfa;
– 1-2 kašike bijelog sirćeta.

Postupak: Oljušteni krompir staviti u šerpu sa kipućom vodom koju ste prethodno dobro posolili i kuvajte oko 20 minuta. Iscijedite kuvani krompir i isijecite ga na pola. Stavite krompir u veliku činiju i dodajte sjeckani mladi luk. Zagrijete ulje u šerpi u kojoj ste kuvali krompir i ispržite slaninu dok ne postane hrskava. Stavite slaninu u tanjir, a u praznu šerpu koju ste sklonili sa vatre dodajte sirće i senf, promiješajte. Stavite krompir u šerpu i nježno promiješajte. Prije služenja posuti krompir hrskavom slaninom.

Podijeli ovaj post

Google1

Leave a Reply

Your email address will not be published. Required fields are marked *

*