Recept specijalne saradnice – mame Milice
Evo jedne ideja za zdravi doručak ili večeru, a posebno za mame i tate male djece koja nekad tako tvrdoglavo i iz čista mira neće da jedu. Osim raznih vrsta žitarica, u proju možete da dodate i povrće, jaja, sir i jogurt ili mlijeko. Sve zdravo i ukusno, a jednostavno da se napravi, tako jednostavno da i baš mala devojčica može da muti 🙂 Ako ste je pravili uveče i nijeste je cijelu pojeli, ostatak ujutru udrobite u jogurt i imate opet super doručak. Ista smjesa može da se peče u kalupima za mafine što je mališanima možda još i zanimljivije.
Sastojci:
- 2 jaja;
- 1 kačičica soli;
- 2 šoljice kisjele vode;
- 1 šolja kozijeg mlijeka;
- 1/2 šoljice ulja;
- 1 prašak za pecivo;
- 2 šoljice kukuruznog brašna;
- 1 šoljica heljdinog brašna;
- 1 šoljica ječmenog brašna;
- 1 šoljica pšeničnog integralnog brašna;
- 1 šoljica izmrvljenog sira;
- 1 šargarepa;
- 1 paprika;
- 1 kašičica bosiljka;
- 2 kašike susama i lanenog sjemena.
Priprema: U blender ili sjecka ubaciti šargarepu i papriku da budu sitno isjeckane. U činiji umutiti smjesu za proju: jaja, sve vrste brašna, pračak za pecivo, so, ulje, kisjelu vodu, kozije mlijeko. Na kraju dodati sir, bosiljak, sjemenke i isjeckano povrće i sve zajedno još malo promiješati. Podmazati pleh i izliti smjesu. Staviti u vruću rernu 20-30 minuta (na 220 stepeni). Ostaviti jos 15-ak minuta na 150 stepeni. Malo se prohladi i prstići već mogu da navale da je komadaju 😉
Napomena: Ima hiljadu recepata za proju, i ovo je samo jedna varijacija. Ne mora da bude ovako precizna mješavina brašna, bitno je staviti što više različitih žitarica i što manje bijelog brašna. Takođe, kozije mleko ili jogurt su super zdravi, ali ako nemate može i obično mlijeko. Osim paprike i šargarepe može i sitno sjeckana tikvica… razne sjemenke, laneno sjeme, susam, sjemenke suncokreta… Puno toga zdravog možete da im “podvalite” u ovoj super ukusnoj pogači 😉
Leave a Reply